Ucarda 4 uşaq atası intihar edib.
APA-nın yerli bürosunun xəbərinə görə, hadisə bu gün səhər saatlarında rayonun Əlikənd kəndində qeydə alınıb. Kənd sakini, 1958-ci il təvəllüdlü Zaməddin Əhəd oğlu Məmmədov ov tüfəngi ilə özünü güllələyib. O, aldığı güllə xəsarətindən hadisə yerində ölüb.
Dörd uşaq atası olan Z.Məmmədovun özünə qəsd etməsinin səbəbi hələlik məlum deyil.
Faktla bağlı rayon Prokurorluğunda araşdırma aparılır.
