Kahramanmaraşda, atası onlara qarşı çıxdığı üçün sevdiyi qızla evlənə bilməyən Mustafa Karakoyun, 77 il sonra qovuşub, evləndiyi 95 yaşlı həyat yoldaşıyla xoşbəxt bir həyat sürür.
Qovuşa bilmədiyi sevgilisi ilə 77 il sonra Qocalar Evində evlənən 92 yaşlı Mustafa Karakoyun, 5 aydır eyni yastığa baş qoyduğu həyat yoldaşına gözü kimi baxır.
Ancaq filmlərdə rast gəlinən bu eşq hekayəsi, Kahramanmaraşın Sarıgüzel məhəlləsində 1938-ci ildə başladı. O dövrdə hələ 15 yaşında olan Mustafa Karakoyun, özündən 3 yaş böyük Döndü Kıraça aşiq oldu.
Atasının evliliyə qarşı çıxmasından 3 il sonra əsgərliyə gedən Karakoyun, evlərinə döndüyündə Kıraçın evləndiyini öyrəndi. Bundan sonra ata evindən ayrılan Karakoyun, Göksunun Çardaq qəsəbəsində özünə yeni bir həyat qurdu.
Karakoyun, aradan keçən o qədər illərdən sonra həyat yoldaşı vəfat edincə Qocalar Evinə yerləşdi. Burada 77 il əvvəl aşiq olduğu Döndü Kıraçla qarşılaşan Karakoyun, onunla evləndi. Bu "gecikmiş" nigah, 5 ay əvvəl bağlandı. Cütlük indi Çardaq məhəlləsində xoşbəxt bir həyat sürür. Özlərinə aid evdə bir-birlərinə həmdəm olan cütlüyün xoşbəxtliklərini görməyə dəyər.(milliyet.com)
İllər sonra qovuşduğu həyat yoldaşına gözü kimi baxan Karakoyun, sevgilisini sanki başının tacı edib.
Həyat yoldaşını, ilk günki kimi çox sevdiyini bildirən Karakoyun, "Sevməsəm alardımmı, ölənə qədər başımın tacıdır. Xəstələndiyi zaman xəstəxanaya aparıram, bir yerdə gəzirik və ev işlərində ona köməkçi oluram" deyir.
Rəsmi nigahdan sonra Qocalar Evindən ayrıldıqlarını ifadə edən Karakoyun, qonşularının da onlara hər cür yardımçı olduğunu söyləyir. Səhhətində problemi olan həyat yoldaşına hər vaxt dəstək olduğunu vurğulayan Karakoyun, "Paltarlarını mən geyindirirəm, yeməyini də yedizdirirəm. Yenə də halımıza şükr edirik" deyə danışır.
Danışmaqda çətinlik çəkən Döndü Karakoyun isə ömürünün qalan hissəsini də həyat yoldaşıyla eyni yastığa baş qoyaraq keçirmək istədiyini bildirir.
