Balakəndə atalığından hamilə qalan 12 yaşlı qız bu gün əməliyyat olunub.
"Sherg.az"aznews.az-a istinadən xəbərinə görə, bunu Azərbaycan Uşaqlar Birliyinin sədri Kamalə Ağazadə bildirib. Onun sözlərinə görə, hazırda qız özünün yaxşı hiss edir: "Qızın anası ilə danışdım. Anası bildirdi ki, sentyabrın 15-də qızın səhhəti qəfil ağırlaşıb. Qız özünü pis hiss edib. Yoxlama zamanı onun böyrəyində problem olduğu aşkarlanıb. Məhz bu səbəbdən qız bir neçə saat bundan əvvəl əməliyyatla uşağı götürüblər”.
Bir neçə gün əvvəl 12 yaşlı qızla bağlı Elmi-Tədqiqat Mamalıq və Ginekologiya İnstitutunda konsilium keçirilib. Orada həkimlər qızın hamiləliyini sona kimi davam etdirməsi və doğmasına qərar vermişdi.
Qeyd edək ki, Balakən rayonunda 12 yaşlı uşaq atalığından hamilə qalıb. Qeyri-rəsmi nikahda yaşadığı qadının qızını zorlayaraq onu hamilə qoyan Şindiyev Elçin Qədir oğlu barəsində istintaq dövrü üçün 4 ay müddətinə həbs-qətimkan tədbiri seçilib.
