"İyulun 3-ü saat 19:00 radələrindən etibarən Bakı şəhərində bütün müntəzəm marşrut xətləri xüsusi rejimdə fəaliyyət göstərir və ödənişsizdir".
Bu barədə "Sherg.az"a Bakı Nəqliyyat Agentliyinin mətbuat katibi Mais Ağayev metropoliten fəaliyyətini bərpa etdikdən sonra bəzi marşrut avtobuslarında ödəniş tələb edilməsinə dair yayılan məlumatlara münasibət bildirərkən deyib.
Onun sözlərinə görə, avtobuslarla sərnişinlərin ödənişsiz daşınması xüsusi rejim başa çatanadək davam edəcək: "Avtobuslarla sərnişinlərin ödənişsiz daşınması vəziyyətinə dair əlavə məlumat veriləcək".
