"Prezident İlham Əliyevin inqilabi sosial islahatları Azərbaycan modeli olaraq gələcəkdə tətbiq ediləcək”.
Bunu "Sherg.az”a açıqlamasında Qhtxeber.az portalının baş redaktoru Sənan Nəcəfov deyib.
Baş redaktorun sözlərinə görə, son bir ildə və xüsusən, 2019-cu ildən başlayaraq qəbul edilmiş bu səpkili qərarlar qlobal iqtisadiyyatda baş verən neqativ meyillərin ölkə əhalisinin sosial təminatına mənfi təsirini minimallaşdırmağa imkan verirdi. Ancaq hazırki sərəncamlar əhalinin gəlirlərinin artmasına, yığım imkanlarının genişlənməsinə şərait yaradacaq:
"Mütəxəssislərin ilkin rəylərinə görə, əməkhaqlarının əhəmiyyətli artımı əhalinin alıcılıq qabiliyyətinə müsbət təsir etməklə, iqtisadi aktivliyin daha da artmasına öz təhfəsini verəcək. Prezident İlham Əliyevin Azərbaycanda başlatdığı sosial islahatlar inqilabı qarşısıalınmaz prosesdir. Bu siyasi iradə nümayişidir və daha geniş vüsət alacaq.
Azərbaycan növbəti dəfə sosial islahatlar sahəsində öz standartlarının olduğunu dünyaya nümayiş etdirdi. Vətəndaş məmnunluğu ölkəni idarə edən ali şəxsin əsas hədəfidir. Vətəndaş isə öz dövlətinin və Prezidentinin himayəsində olduğunu hiss edir. Bu isə xalq-iqtidar birliyini daha da möhkəmləndirir”.
S.Nəcəfovun sözlərinə görə, dövlət siyasətinin vətəndaş məmnunluğu üzərində qurulduğu bundan sonra da sübut deyil, birbaşa nümayiş etdiriləcək:
"Bununla da iqtidarın xalq yanında mövqeləri daha da möhkəmlənməkdə davam edəcək. Əhalinin sosial vəziyyətinin daha da yaxşılaşdırılması, maddi rifah halının gücləndirilməsi, vətəndaşın yaşayış səviyyəsinin yüksəlməsi üçün düşünülmüş, dəqiq hesablanmış islahatlar riyazi model kimi Azərbaycan standartı adına dünyaya tanıdılacaq. Yenə təkrar edirəm, Prezident İlham Əliyevin inqilabi sosial islahatları Azərbaycan standartı kimi gələcəkdə tətbiq olunacaq. Zaman gələcək bunun şahidi olacağıq”.
İsmayıl
