“Azərbaycanda 2020-ci ildə 167 elektrikli avtomobil idxal olunub”.
APA-nın məlumatına görə, bunu ETSN-in Ekoloji siyasət şöbəsinin müdiri Rasim Səttar-zadə “Ekspert saatı”nda deyib.
Onun sözlərinə görə, bu rəqəm daha effektiv tədbirlərə ehtiyac olduğunu göstərir: “Avropada 2020-ci ildə əvvəlki illə müqayisədə təxminən 38 faiz daxili yanma mühərrikli, benzinlə işləyən avtomobillərin idxalı azalıb. Eyni zamanda dizellə işləyən avtomobillərin satışı bir il ərzində 33 faiz azalıb. 2020-ci ildə digər illə müqayisədə elektromobillərin satışı 118 faiz artıb. Məsələn, Norveçdə ötən il satılan avtomobillərin 54,4 faizi elektromobil olub. Azərbaycanda isə ötən il bu rəqəm 0.3 faiz olub”.
