Bu ilin 6 ayı ərzində ölkə ərazisində şəkərli diabet xəstəliyinə tutulanlanların sayı artıb. İyun ayına olan məlumata görə, 12 min diabet xəstəsi qeydiyyata alınıb ki, bu da ötən illə müqayisədə artım deməkdir. Ümumilikdə isə Azərbaycanda təxminən 243 min 226 nəfər diabet diqanozu ilə rəsmi qeydiyyatdan keçib. Ölkə ərazisində şəkərli diabet xəstələrinin müayinə-müalicə və preparatlarla təmin edilməsi üçün dövlət tərəfindən hər il 18 milyon manata yaxin vəsait ayrılır. Tibb elmləri doktoru Adil Qeybullanın fikrincə, buna baxmayaraq, hələ də diabet xəstələrinə verilən preparatlarda bir sıra çatışmazlıqlar var.
Dibaet xəstələrinə preparatların verilməsi hansı prosedur qaydalara uğun aparilir? Ümumiyyətlə, dərmanlar pasiyentlərə vaxtında verilirmi?
Həkim-endokrinoloq Samirə Xəlilovanin fikrincə, şəkərli diabet xəstələri arasında rəsmi qeydiyyata düşməyənlər də kifayət qədərdir. Bu isə nəticə etibarilə ölkə üzrə rəsmi qeydiyyata düşən diabet xəstələrinin sayının hesablanmasına təsir edir.
Bu gün 18 yaşina qədər olan uşaq və yeniyetmələr arasında da diabet xəstələri üstünlük təşkil edir. Ölkədə 1572 uşaq diabet xəstəliyindən əziyyət çəkir ki, onların 574-ü Bakı şəhəri üzrə rəsmi qeydiyyata alınıb. Ümumilikdə isə şəkərli diabet xəstəliyinə daha çox 45 yaşdan yuxarı insanlar arasında rast gəlinir. Dünyada isə 451 milyon insan şəkərli diabet xəstəliyindən əziyyət çəkir. 2045-ci ildə bu rəqəmin 690 milyona çataçaği proqnozlaşdırılır.
