Şirvanda itkin düşən gəlin və baldız tapılıb. Ötən gün Aytac Zahidovanın anası Flora Zahidovanın APA TV vasitəsilə müraciət etməsi nişanlı qızların evə qayıtmasına səbəb olub.
Aytac Zahidovanın anası Flora xanım APA TV-yə təşəkkür edib:
"26 maydan evdən çıxıblar və 17 gün idi ki, onlardan xəbər yox idi. Sizə müraciət edəndən sonra qızım "Youtube”da videoya baxıb və evə qayıdıblar. APA TV-yə öz təşəkkürümü bildirirəm ki, qızımın tapılmasında bizə köməklik edib. Onlar Bakıda marketlərdən birində işləyiblər. Telefonlarını satıb özlərinə çörəkpulu ediblər”.
Qeyd edək ki, Şirvan sakinləri, 17 yaşlı Zahidova Aytac Yasər qızı və 18 yaşlı Quliyeva Əfsanə Allahverdi qızı 26 mayda evdən çıxıb və geri qayıtmayıblar. Hər ikisi nişanlı olan Aytac və Əfsanə gəlin-baldız olub.
**
12:09
Şirvan sakinləri olan gəlin və baldız itkin düşüb.
APA-nın Mil-Muğan bürosunun verdiyi xəbərə görə, Şirvan sakinləri, 17 yaşlı Zahidova Aytac Yasər qızı və 18 yaşlı Quliyeva Əfsanə Allahverdi qızı 26 mayda evdən çıxıb və geri qayıtmayıblar.
Aytac Zahidovanın anası Flora Zahidovanın bildirdiyinə görə, nişanlı olan qızı Aytac və oğluna nişanlı olan gəlini Əfsanənin itkin düşmələri barədə Şirvan polis şöbəsinə yazılı müraciət olunub. Onların hansı səbəbdən yoxa çıxmaları məlum deyil.
Hazırda onların axtarışları davam etdirilir.
