Azərbaycanda yumurta, qabığı təmizlənmiş meşə fındığı, zeytun yağı və üzüm istisna olmaqla digər meyvələrdən hazırlanan çaxır ixrac təşviqi mexanizminin tətbiq edildiyi məhsullar siyahısına daxil edilib.
"Report" xəbər verir ki, bunu jurnalistlərə açıqlamasında İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondunun (AZPROMO) prezidenti vəzifəsini icra edən Yusif Abdullayev deyib.
"Quş yumurtası ixracımız artır. İran, İraq kimi ölkələrə ixrac həyata keçiririk. Bununla yanaşı, şərabın ixracında da ciddi artım var. 2017-ci ilin ilk 5 ayı ilə müqayisədə şərab ixracı 80%-ə yaxın artıb. Son nəticədə bu ilin yekununda sahibkarlara ödənilən ixrac təşviqi ötən ilin yekunu ilə müqayisədə 2 dəfə çox olacaq", - deyə o qeyd edib.
