Azərbaycanda koronavirusla (COVID-19) bağlı şayiə yayanlar cərimələnə bilərlər.
"Sherg.az"ın məlumatına görə, bununla bağlı İnzibati Xətalar Məcəlləsinə dəyişiklik nəzərdə tutulur.
Dəyişiklik layihəsinə əsasən, koronavirusla bağlı şayiələr yayılmasına görə vəzifəli şəxslər 2000 manatdan 5000 manata qədər cərimə ediləcəklər.
Hüquqi şəxslər 5000 manata, fiziki şəxslər isə 100 manatdan 500 manata qədər cərimələnəcəklər.
Qeyd edək ki, layihənin Milli Məclisin martın 17-də keçirilən iclasında müzakirəyə çıxarılması gözlənilir.
Bundan əvvəl Baş Prokurorluq və Daxili İşlər Nazirliyinin birgə məlumatında qeyd olunurdu ki, koronavirusla bağlı həqiqəti əks etdirməyən, cəmiyyətdə süni ajiotaj yaratmağa hesablanmış əsassız və uydurma informasiyaları yayan şəxslər barələrində hüquqi məsuliyyət tədbirləri görüləcək.
