Bu gün Ağdaş şəhərindəki orta məktəblərdən birində bədbəxt hadisə baş verib.
Lent.az xəbər verir ki, Səməd Vurğun adına 1 saylı orta məktəbin 9-cu sinif şagirdi, 2003-cü il təvəllüdlü Cavadov Mustafa Həmid oğlu məktəbin həyətində yıxılıb. Ağır xəsarət alan şagird Ağdaş rayon Mərkəzi Xəstəxanasına çatdırılıb. Lakin həkimlərin səyinə baxmayaraq onun həyatını xilas etmək mümkün olmayıb.
Məktəbdən Lent.az-a bildirilib ki, hadisə tənəffüs vaxtı baş verib və 14 yaşlı şagird sinif yoldaşlarının yanında olarkən qəfil yıxılıb.
Faktla bağlı Ağdaş rayon Prokurorluğunda araşdırma aparılır.
