"Azərbaycanın iqtisadi inkişafı yüksək templə davam edir”.
Bu sözləri "Sherg.az”a Rusiyanın Milli Araşdırma Universitetinin Sosial Siyasət Tədqiqatları İnstitutunun açıqladığı "Əmək haqlarının miqdarına görə, Azərbaycan MDB ölkələri arasında 5-ci yerədir" hesabatına münasibət bildirərkən millət vəkili Araz Əlizadə deyib.
O qeyd edib ki, bu gün ölkəmizdə qeyri-neft sektorunun inkişafı, neft sahəsindən gələn gəlirlərin bu istiqamətə yönəldilməsi uğurla həyata keçirilir:
"Azərbaycan iqtisadi cəhətdən normal inkişaf edən müstəqil ölkədir. Gündən-günə ölkəmizdə yeni müəssisələr, iş yerləri fəaliyyətə başlayır. Yeni iş yerlərinin açılması insanların məşğulluq probleminin aradan qalxmasına da müsbət təsir göstərir. Qeyri-neft sektorunun inkişafı bu baxımdan müsbət templə irəliləyir. Ona görə, hesab edirəm ki, iqtisadi inkişaf baxımından beynəlxalq təşkilatların Azərbaycanı yüksək dəyərləndirməsi tam obyektiv addımdır”.Qeyd edək ki, sözügedən reytinqin nəticələrinə əsasən, 2017-ci ildə əməkhaqqı səviyyəsi Tacikistanda 137 dollar, Qırğızıstanda 216,3 dollar olub. Bu, MDB və keçmiş sovet ölkələri arasında orta aylıq əməkhaqqı səviyyəsinə görə ən aşağı göstəricidir. Əməkhaqqının ən yüksək olduğu ölkə Rusiyadır. Burada orta aylıq əməkhaqqı 670,9 dollar təşkil edir. İkinci yerdə 459,1 dollarla Qazaxıstan, üçüncüdə 421,9 dollarla Belarus, 4-cü yerdə 306,7 dollarla Azərbaycan, 5-ci yerdə 308,4 dollar əməkhaqqı ilə Moldova, 6-cı yerdə isə 272,9 dollarla Ukrayna qərarlaşıb.
Aysel Aslan
