Rusiyanın Amur vilayətində yerli qadın azərbaycanlı ilə nikah bağlayıb.
Amur.info-nun xəbərinə görə, onların nikahının saxta olduğu üzə çıxıb.
Belə ki, Azərbaycan vətəndaşı Rusiya Daxili İşlər Nazirliyinin Amur vilayəti üzrə İdarəsinə müvəqqəti yaşayış icazəsi üçün müraciət edib.
O, yerli qadınla nikah bağlamaq müqabilində Rusiya ərazisində üç illik yaşamaq icazəsi alıb.
Araşdırma zamanı Azərbaycan vətəndaşının rus qadınla bağladığı nikahın saxta olduğu məlum olub. Onlar birgə yaşamayıb, ümumi təsərrüfata sahib olmayıblar.Onların nikahı Rusiya Federasiyasının Ailə məcəlləsinin 27-ci bəndini pozmaqla bağlanıb. Vilayət prokuroru məhkəməyə müraciət edərək, nikahın saxta hesab olunmasını istəyib. Məhkəmə onun müraciətini təmin edib.
