Bakıda güclü partlayış olub. Hadisə Yasamal rayonu, İnşaatçılar prospekti 100 ünvanında – "Xalq bank”ın yaxınlığında qeydə alınıb.
Yasamal rayon Polis İdarəsindən ANS-ə verilən məlumata görə, partlayış avtomobil qarajlarından birində bu gün səhər saatlarında qeydə alınıb. Hadisə zamanı xəsarət alan olmasa da, yaxınlıqdakı digər qarajlara və ərazidəki avtomobillərin bəzilərinə ciddi zərər dəyib.
Hüquq-mühafizə orqanları və Fövqəladə Hallar Nazirliyinin əməkdaşları ərazini nəzarətə götürüb.
Hadisə nəticəsində 10-11 maşına ciddi zərər dəyib. Bir neçə nəfərin xəsarət aldığı bildirilir. Onların vəziyyətləri ağır olmadığından əraziyə cəlb edilən təcili yardım briqadalarının əməkdaşları tərəfindən ilkin tibbi yardım gəstərilərək evə buraxılıblar.
Partlayış nəticəsində yaxınlıqdakı binaların 1, 2 və 3-cü mərtəbələrinə də ciddi zərər dəyib.
"Xalq Bank”ın Reklam və ictimaiyyətlə əlaqələr şöbəsinin müdiri Elşən Eynullayev APA-ya bilkdirib ki, partlayışın onların baş ofisi ilə heç bir əlaqəsi yoxdur.
Faktla bağlı araşdırmalar davam etdirilir.
