Respublikanın daxili işlər orqanları tərəfindən gün ərzində 108 cinayət faktı qeydə alının, onların da 19-u "isti izlər”lə açılıb.
DİN Mətbuat Xidmətindən "Sherg.az"a verilən məlumata görə, bundan başqa əvvəlki dövrlərdən bağlı qalmış 13 cinayətin açılması təmin olunub:
" Axtarışda olduğuna görə ümumilikdə 39 nəfər, o cümlədən borclu şəxs qismində axtarışda olan 24 nəfər saxlanılaraq aidiyyəti üzrə təhvil verilib. Respublikanın avtomobil yollarında 5 yol-nəqliyyat hadisəsi baş vermiş, nəticədə 1 nəfər ölmüş, 6 nəfər xəsarət alıb. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 9 fakt müəyyən edilib. Cinayət törətməkdə şübhəli bilinən 32 nəfər saxlanılıb.
