"Zamanında ölkədə qeyri neft sektoru inkişaf etdirilsə idi, ölkə iqtisadiyyatı neftdən asılı vəsiyyətdə olmasaydı, neftin qiymətin 3-4 dəfə aşağı düşməsi milli valyutamızı zəiflədə bilməzdi. Devalivasiya belə kəskin olmazdı. Müəssisələr, digər kiçik, orta və iri sahibkarlıq fəaliyyəti iqtisadi sarsıntıya məruz qalmazdı".
Bu sözləri Sherg.az-a problemli kreditlərlə bağlı məhkəmələrə olunan müraciətlərin artmasına münasibət bildirərkən bank sahəsi üzrə ekspert İldırım Qurbanov deyib.
Ekspert onu da əlavə edib ki, bu məsələlər ötən illərdə həllini tapsa idi, borcalanlar öz kreditlərini vaxtı - vaxtında ödəyə bilərdilər:
" Banklarda belə çökməzdi. Bank sektoru iqtisadiyyatın onurğa sütünüdür. Onurğa sütünu zəlil olan insan gəzə bilməz, sadəcə yerində qalar. İqtisadiyyatın dayanıqlı inkişafı istiqamətində çox vacib addımlar atılmalıdır. İşsizliyin qarşısı alınmalıdır. Real sektorun inkişafına dəstək vermək lazımdır".
Qeyd edək ki, son zamanlarda məhkəmələrə problemli kreditlərlə bağlı müraciətlərin sayı kəskin artıb.
Ayyət Əhməd
