Hindistanda "Bəşəriyyətin Nəsli Tükənsin Hərəkatı”na mənsub 27 yaşlı Rafael Samuel adlı gənc valideynlərini məhkəməyə verib.
"Ölkə.Az” xəbər verir ki, Rafael məhkəməyə yazdığı ərizədə ata və anasının onun icazəsi olmadan dünyaya gətirdikləri üçün şikayətçi olduğunu bildirib.
Hadisə Mumbay şəhərində baş verib. Hindistanın "The Print” jurnalında Samuelin müsahibəsi yayımlanıb. Rafael müsahibəsində deyib:
"Bütün hindistanlı uşaqlara valideynlərinə heç bir borcu olmadığını başa salmaq istəyirəm. Valideynlərimi sevirəm və onlarla yaxşı münasibətim var.
Amma onlar öz kef və zövqləri üçün məni dünyaya gətiriblər. Həyatım yaxşı keçib. Amma bu həyatı məktəbdə təhsil alıb karyera qurmaq kimi axmaqlığa məruz buraxmaq üçün də yaxşı bir səbəb görmürəm. Hindistanlılar bilməlidirlər ki, uşaq sahibi olmamaq da, ana və atanızdan sizi niyə dünyaya gətirdiklərinə aid bir açıqlama almaq da variantlar arasındadır”.
