Yay aylarını dondurmasız təsəvvür etmək mümkün deyil. Lakin dondurmanın insan üçün zərəri olan bəzi xüsusiyyətləri də üzə çıxıb. Belə ki, dondurmanın tərkibində şəkər çox olduğu üçün, gün ərzində artıq dadmaq şəkər xəstəliyi riskini artırır.
Lent.az -ın Türkiyə mətbuatına istinadən verdiyi xəbərə görə, dondurmanın tərkibində kalsium olduğu üçün faydalı olsa da, çox yeyildikdə diş, yuxarı tənəffüs xəstəliklərinin yaranmasına səbəb olur.
Bundan başqa, mütəxəssislər hesab edir ki, dondurmanı dişləyərək, yaxud qaşıqla yemək olmaz. Dondurma yalayaraq yeyilməlidir. Yedikdən sonra uzun müddət dişlərə hopub, çürük yaratmaması üçün ağızı təmiz su ilə yaxalamaq tövsiyə olunur.
