Ucarda 62 yaşlı kişinin intihar etməsi ilə bağlı bəzi təfərrüatlar məlum olub.
Lent.az -ın əldə etdiyi məlumata görə, ov tüfəngi ilə özünü öldürən rayonun Əlikənd kənd sakini Zaməddin Məmmədov psixi pozğunluğu olub. Övladlarının 3-ü evli, 1-i isə subaydır. Mərhum psixi durumuna görə dövlətdən aldığı təqaüdlə dolanırmış. Onun bundan əlavə, fərdi təsərrüfatla məşğul olduğu, mal-qara saxladığı da bildirilir.
Hadisə ilə bağlı hüquq-mühafizə orqanları tərəfindən intiharın əsl səbəbi barədə araşdırma aparılır.
***
Saat: 12:52
Ucarda 4 uşaq atası intihar edib.
APA-nın yerli bürosunun xəbərinə görə, hadisə bu gün səhər saatlarında rayonun Əlikənd kəndində qeydə alınıb. Kənd sakini, 1958-ci il təvəllüdlü Zaməddin Əhəd oğlu Məmmədov ov tüfəngi ilə özünü güllələyib. O, aldığı güllə xəsarətindən hadisə yerində ölüb.
Dörd uşaq atası olan Z.Məmmədovun özünə qəsd etməsinin səbəbi hələlik məlum deyil.
Faktla bağlı rayon Prokurorluğunda araşdırma aparılır.
