Gənc, vətənpərvər yazar Elvin Arifoğlunun baş redaktorluğu ilə dərc olunan “Dost” aylıq elmi-ictimai jurnalının 26-cı sayı işıq üzü görüb.
“Sherg.az” xəbər verir ki, Heydər Əliyev Fondunun vitse-prezidenti Leyla xanım Əliyevanın dəsti-xəttinin hiss olunduğu “Dost” jurnalı fəaliyyətə başladığı gündən etibarən bir çox sahələr üzrə oxucuları maarifləndirməyi və Azərbaycançılıq ideologiyasını təbliğ etməyi qarşısına məqsəd qoyub.
Jurnal öz elmi, əxlaqi və vətənpərvərlik ruhda olan məqalələri ilə oxucuların maraq və etimadını qazana bilib. Nəşrin budəfəki sayında oxucular Birinci vitse-prezident Mehriban xanım Əliyevanın “Azərbaycan məbədləri”, Aslan Aslanovun “Leyla Əliyevanın fəaliyyəti” və digər maraqlı yazılarla tanış ola bilərlər.
