Əməkdar artist Elza Seyidcahanla prodüser Tolik (Tarix Əliyev) arasında qalmaqal yaşanıb. Lent.az-ın məlumatına görə, buna səbəb Tolikin sosial şəbəkədə E.Seyidcahanın "Qadın nə istəyir” şeirini paylaşması olub.
Əməkdar artist "ATV Maqazin 10-larla” verilişinə müsahibə verərək Tolikə ismarış göndərib: "Bir damcı pulun ucunu göstər, çıxıb efirdə sənə "biznes-ledi” desinlər. Ağıllı adamam, dəli deyiləm ki... Dəli adama oxşayıram? Gördüyümü qavrayıram. Məsxərəyə qoymaq lazım gəlsə, o qədər istedadlıyam ki, mən də qoyaram. Yaxşı aktrisalığım var, hər cür rəqs edə bilirəm. Sadəcə olaraq, hərənin öz şəxsi həyatı var və yaşayır. Hər kəs öz həyatına görə cavab verəcək. Yaxşı əsərimi başqa mənaya çevirirlər, öz səhifələrində qoyurlar ki, camaat məni gülüş, təhqir hədəfinə çevirsin. Deyirlər, "Gülün buna, tüpürün buna, daş atın buna”. Mən çox gözəl bilirəm ki, onlar bunu kiminsə sifarişi ilə edirlər. Məni nə qədər ələ salsanız da, Allah buna qəhqəhə çəkib gülür. Əvvəla, sən mənim şeirimi paylaşanda məndən icazə almalısan. Sən mənim adımı qoymamısan ki, mənə "Elza” deyə müraciət edəsən. Məni atam-anam o cür çağıra bilər. Bir az diqqətli ol. Şou-biznesdə bir parça çörəyimi qazanıramsa, o demək deyil ki, mən sizin kimilərin tayıyam. Mən istəsəm də, sizin tayınız ola bilmərəm”.
