"Fransa preziedenti Emmanuel Makronun erməni təşkilatlarının koordinasiya şurasının hər il keçirilən toplantısında qondarma "erməni genosidi”nin 24 aprel tarrixində anma günü kimi qeyd olunmasını rəsmiləşdirəcəyi barədə çıxışı Fransanın ənənəvi təəsübkeşliyidir”.
Bunu "Sherg.az”a açıqlamasında politoloq Vasif Əfəndiyev deyib.
Ekspert bildirib ki, Fransa qondarma "genosidi” tanıyan ilk ölkədir:
"Türkiyə və Azərbaycana qarşı fəaliyyət göstərən erməni təşkilatlarına ən münbit şəraiti məhz Fransa yaradıb. Ona görə də Makronun belə bir təşəbbüsü heç də gözlənilməz və təəccüblü deyil. 2001-ci ildə Fransa Osmanlı imperiyasının ermənilərə qarşı törədilməsi iddia edilən qondarma "genosidi” tanıyan birinci ölkə olub. ATƏT-in Minsk Qrupunun həmsədr ölkəsi olan Fransanın bu cür mövqeyi və açıq erməni təəssübkeşliyi etməsi ilə həmsədrlik missiyası uyğunsuzluq təşkil edir. Münaqişənin həllində vasitəçi ölkənin ilk növbədə tərəfsiz və obyektiv olması lazımdır. Bu məslədə Fransanın obyektiv olmayacağı isə göz qabağındadır. Heç bir tarixi sübutu olmayan bir hadisəni reallıq kimi qələmə verən bir ölkənin Dağlıq Qarabağ münaqişəsinin həllində ədalətli mövqe tutacağı mümkün deyil. Ona görə də Fransanın ATƏT-in həmsədrlik institutundan istefa verməsi məqsədə uyğundur”.
Analitik hesab edir ki, ATƏT-in bu tərkibdə fəaliyyəti arzuolunan nəticəni verməyəcək:
"Bu bəyanatın verilməsi əslində heç bir siyasi əhəmiyyətə malik deyil və bir növ erməni təşkilatlarının istəyi üzərində verilib. Ciddi siyasətçilər çox gözəl anlayırlar ki, qıcıqlandırıcı bəyanatlar və qərarlar üzərindən Ermənistanın gələcək rifahı təmin olunmayacaq. Bir zaman gələcək ki, ermənilər özləri rəsmi olaraq bu iddiadan əl çəkcəklər”.
İsmayıl
