Xəbər verdiyimiz ki, fevralın 2-də Fransada Respublika meydanında "sarı jilet"lilərin növbəti nümayişi baş tutub. Aksiyaların gedişatı və ora səfərbər olunan fransızların sayı deməyə əsas vverir ki, "sarı jilet"lilərə dəstək daha da güclənir.
"Sherg.az" Fransanın "lexpress.fr" saytına istinadən xəbər verir ki, "YouGov"un dünən keçirdiyi sorğuya əsasən 3 fransızdan 2-i, yəni əhalinin 64 faizi bu hərəkatın davam etməsini istəyir. 32 faiz isə bu hərəkatın davam dayanmasını istəyir. Bundan başqa fransızların 58 faizi hökumətin geniş ümummilli müzakirəsini tələb edir.
38 faiz isə buna ehtiyac duymur. Ümumilikdə əhalinin 71 faizi isə geniş müzakirələr nəticəsində qəbul ediləcək qərarlardan sonra referendumun keçirilməsini tələb edir. 19 faiz isə referenduma əsas yoxdur deyir.
Nəhayət, Fransa əhalisinin 21 faizi Makronun fəaliyyətini əlverişli sayır, 73 faiz isə bunun əlverişsiz olduğunu iddia edir. Fransızların dörddə üçü, yəni 75 faizi hökumətin davranışını, qərarlarını əlverişsiz hesab edir, əksini düşünənlər isə 19 faiz təşkil edir.
Sonda sayt onu da yazır ki, sFransada E.Makronun reytinqi tamamilə aşağı düşüb.
Tərcümə etdi : Ayyət Əhməd
