Adı son vaxtlar qalmaqallarda hallanan xalq artisti İlhamə Quliyeva gözlənilməz qərar verib. primetime.az xəbər verir ki, "Şöhrət" ordenli sənətkar mətbuatla olan əlaqəsini dondurmağa qərar verib. Saytın əməkdaşıyla telefon söhbətində İlhamə Quliyeva deyib ki, bir müddət jurnalistlərlə nə görüşəcək, nə də onlara açıqlama verəcək. Görünür, gündəmin əsas mövzusuna çevrilən müğənni bu addımı ilə yaşanan qalmaqallara son qoymaq niyyətindədir.
Qeyd edək ki, xalq artistinin həbsxanada olan köməkçisi Mehriban Hüseynova mətbuata ünvanladığı məktubunda İlhamə Quliyevaya qarşı bir çox ittihamlar irəli sürüb. Mehribanın məktubundan sonra xalq artistləri Flora Kərimova, Aygün Kazımova və əməkdar artist Elza Seyidcahan da primadonnaya əks cəbhədə yer alırlar. Hətta Elza primetime.az saytına verdiyi açıqlamasında Mehriban Hüseynovanın lehinə məhkəmədə şahidlik edəcəyini də açıqlayıb.
