Gürcüstan prezidenti Georgiy Marqvelaşvili ABŞ-a rəsmi səfəri zamanı mehmanxanada siqaret çəkdiyinə görə cərimələnib.
"Sherg.az"ın "oxu.az”-a istinadən xəbərinə görə, "İmedi” telekanalı məlumat yayıb.
"Hadisə mart ayında baş tutan səfər zamanı meydana gəlib. Marqvelaşvili siqaret çəkdiyinə görə 750 dollar məbləğində cərimələnib”, - məlumatda deyilir.
Gürcüstan prezidentinin əvvəllər də belə "xətalara” yol verdiyi qeyd olunur. "Amma ən dəhşətlisi budur ki, cərimələri prezident öz vəsaiti hesabına deyil, dövlət büdcəsindən ödəyir”, - "İmedi” yazır.
Telekompaniya xatırladır ki, 2018-ci ilin mayında Marqvelaşvili ezamiyyət xərclərinə görə ittihamlara hədəf olmuşdu.
