Bakının Xətai rayonu ərazisində, Telnov küçəsindəki çoxmərtəbəli binanın 16-cı mərtəbəsindən özünü atan 30 yaşlı Elgün Əsədovla bağlı bəzi məqamlar aydınlaşıb. Lent.az xəbər verir ki, onun xeyli miqdarda borcunun olduğu məlum olub. E.Əsədovun atası deyib ki, oğlu son vaxtlar depressiyada olub və özünü öldürəcəyini deyibmiş.
Elgün Əsədovun feysbuk profilinə nəzər salanda da onun intihara meylli olduğu məlum olur. Hadisədən bir gün əvvəl ölüm anonsu verən E.Əsədov mayın 9-da Ağalar Bayramovun səsləndirdiyi "Öldürün məni” şeirini paylaşıb.
****
10:24
Dünən Bakı şəhərinin Xətai rayonunda baş vermiş dəhşətli intihar hadisəsi ilə bağlı bəzi məqamlar aydınlaşıb. Lent.az xəbər verir ki, Telnov küçəsindəki çoxmərtəbəli binanın 16-cı mərtəbəsindən özünü atan 30 yaşlı Elgün Əsədov SOCAR-ın mühəndisi olub. O, ailəli, 1 uşaq atası olub.
Bildirilir ki, Pirallahı rayonunda qeydiyyatda olan E.Əsədov bir müddət əvvəl Xətai rayonunda 16-cı mərtəbədə mənzil alıb və ailəsi ilə burada yaşayıb. Hadisə vaxtı isə onun ailəsi rayonda olub. Elgün bacısı ilə mənzildə olarkən qəfil pəncərəyə tərəf gedib və özünü atıb.
30 yaşlı E.Əsədovun bacısı deyib ki, qışqırıq səsi eşidib və eyvana doğru qaçıb. Bu zaman dəhşətli hadisənin şahidi olub.
Maraqlıdır ki, E.Əsədov intihar etməzdən əvvəl feysbuk səhifəsində ölüm anonsu verib. Onun statusunu və bəzi fotolarını təqdim edirik.
*****
8:46
Bakıda dəhşətli intihar hadisəsi baş verib.
Lent.az xəbər verir ki, Xətai rayonu Telnov küçəsində yerləşən çoxmərtəbəli binada yaşayan 1987-ci il təvəllüdlü Əsədov Elgün Xalid oğlu özünü 16-cı mərtəbənin eyvanından atıb. O, hadisə yerindəcə ölüb.
Faktla bağlı cinayət işi açılıb, araşdırma aparılır.
