Casusluq üçün mükafat təyin edilməsi acizliyin və çarəsizliyin nəticəsidir.
"Sherg.az" Axar.az-a istinadən xəbər verir ki, bu sözləri İran Xarici İşlər Nazirliyinin sözçüsü Abbas Musəvi deyib.
"Düşməncə addımların daha da kəskinləşməsi, ümidsiz qərarlar və daha gülüncü casusluq və xəyanət üçün mükafat təyin edilməsi sadəcə acizliyin göstəricisidir. Nəticəsi olmayacaq", - deyə Musəvi bildirib.
Qeyd edək ki, ABŞ Dövlət Departamenti İran İslam İnqilabı Keşikçiləri Korpusunun (SEPAH) maliyyə şəbəkəsinə zərər verə biləcək məlumatlar qarşılığında 15 milyon dollar mükafat təyin edib.
