""Made in Azerbaijan” kimi brendlərin qısa olması, tələffüz baxımından əlverişli olması vacibdir”.
Bunu "Sherg.az”a "İxrac olunan Azərbaycan məhsulları "Made in Karabakh Azerbaijan” brendi altında göndərilsin" təklifinə münasibət bildirərkən iqtisadçı-ekspert Vüqar Bayramov deyib.
O bildirib ki, "Made in Azerbaijan” brendi bütün ölkəni əhatə etməsi baxımından bu cür müəyyənləşib:
"Eyni zamanda brendlər ölkələrin adı ilə bağlı olduğu üçün ölkəmizdə də bu cür müəyyən edilib. Gələcəkdə ayrı-ayrı bölgələrin, o cümlədən işğal altında olan torpaqlarımızın da məhsul üzrə brendinin tanınması həyata keçirilə bilər. Lakin indiki mərhələdə məhsullarımızın Azərbaycan brendi ilə tanınması vacibdir. Bu baş verdikdən sonra bölgələrin tanıdılmasına keçə bilərik. Hələlik brendin "Made in Azerbaijan” olaraq saxlanması məqsədəuyğdur”.
Qeyd edək ki, gənc yazar bunu özünün "Facebook” səhifəsində yazıb.
Aysel Aslan
