"Mən özüm də müharibə əlillərinə, şəhid ailələrinə göstərilən diqqət və qayğı ilə əhatələnirəm. Sevinirəm ki, dövlət bizlərə bu cür qayğı göstərir”.
Bunu "Sherg.az”a Qarabağ, Böyük Vətən müharibələri əlillərinə, Çernobıl əlillərinə və şəhid ailələrinə mənzillərin, avtomobillərin verilməsinə münasibət bildirərkən döyüş tapşırıqlarını yerinə yetirərkən sağ ayağını və sol gözünü itirən kəşfiyyatçı baş leytenant Kamil Musavi söyləyib.
O vurğulayıb ki, bu təbəqədən olan hər bir ailə dövlətin dəstəyi təqdirəlayiq hesab edir:
"Bəzi hallarda məmurların, vəzifəsindən sui-istifadə edən şəxslərin Qarabağ müharibəsi əlillərinə, şəhid ailələrinə qarşı laqeydliyini də görürük. Bu nümunələr isə bizi təəssüfləndirir. Amma istənilən halda, dövlətin, ölkə başçısının Qarabağ müharibəsi əlillərini, şəhid ailələrini evlə təmin etməsi müsbət haldır.
Avqustun 1-də növbəti dəfə Qarabağ, Böyük Vətən müharibələri əlillərinə, Çernobıl əlillərinə və şəhid ailələrinə mənzillərin verilməsindən sonra Prezident İlham Əliyev bu tədbirlər üçün ayrılan vəsaitin artırılması barədə sərəncam imzaladı. Görünür, növbəti illərdə ev və avtomobillə təmin edilən ailələrin sayı daha çox olacaq. Bu cür sosial tədbirlərin artırılması, şəhid ailələrinin, müharibə əlillərinin sıxıntılarının, ehtiyaclarının ödənilməsi üçün mühüm addımların atılması cəmiyyətdə rəğbətlə qazanır. Ölkə başçısı bu məqamları diqqətə alaraq, sosial təminatı aşağı olan bu ailələrin ehtiyaclarını təmin edir”.
Qeyd edək ki, Əmək və əhalinin sosial müdafiəsi naziri Sahil Babayevin sözlərinə görə, nazirlik "ŞA İnşaatçı” Mənzil Tikinti Kooperativi tərəfindən inşa olunan binadan ümumilikdə 35 mənzili satın alıb. Bu mənzillərdən 23-ü Qarabağ müharibəsi əlillərinə, 12-si isə şəhid ailələrinə verilir.
Aysel Aslan
