Almaniya millisinin üzvü Məsut Özil "Bild" nəşrinə gələcək karyerası barədə danışıb.
goal.az xəbər verir ki, təcrübəli yarımmüdafiəçi "Arsenal"dan getmək ehtimalı olduğunu deyib: "Arsenal"la 1 illik müqaviləm var. Futbolda hər dəqiqə yenilik ola bilər. Amma mən yekun qərarımı verməmişəm. Mövsümün sonunda düşünüb, yekun qərarımı verəcəm".
Özil Çempionlar Liqasının ¼ final mərhələsində baş tutacaq "Real" - "Bavariya" görüşündən də danışıb: "Ürəyim "Real" deyir. Çünki orda oynamışam və çox istədiyim dostlarım hələ də ordadır".
