Həbsdə olan zaman cinayətkar dəstə yaratmaqda təqsirləndirilən, kriminal aləmdə "Kritı Araz" kimi tanınan Araz Fərəcov və onunla ittiham olunan dəstə üzvləri - Vüqar Musayev, Renad Zahirov, Namiq Babayev, Elməddin Şahbazov, Eltən Əliyev, Xəyyam Qurbanlının barələrindəki birinci instansiya məhkəməsinin hökmündən apellyasiya protesti verib. Lent.az-ın məlumatına görə, prokurorluq dəstə üzvlərinə verilən cəzanın yüngül olduğunu bildirərək şikayət verib. Təqsirləndirilənlərdən "Kriti Araz”dan baqşa digərləri də cəzaların yüngüləşdirilməsi üçün apelyasiya şikayət verib. Artıq şikayət Bakı Ağır Cinayətlər vasitəsi ilə Bakı Apellyasiya Məhkəməsinə göndərilib. Şikayət yaxın günlərdə icraata veriləcək.
İttihama görə, A.Fərəcov Penitensiar xidmətin 8 saylı cəzaçəkmə müəssisəsində cəza çəkərkən 2016-ci ilin dekabr ayında əvvəldən tanıdığı Vüqar Musayev və digərləri ilə mütəşəkkil dəstə təşkil edib. Dəstə üzvləri Bakıda və bölgələrdə yayayış yerlərini talamaq məqsədilə oğurluq və quldurluq hadisələri törədiblər. İttihamda qeyd edilib ki, bütün bunları A.Fərəcov koordinasiya edib.
2017-ci il aprelin 14-də Dövlət Təhlükəsizlik Xidməti (DTX) əməkdaşlarının keçirdiyi əməliyyat zamanı Vüqar Musayev, Renad Zahirov, Namiq Babayev saxlanılıb.
Mütəşəkkil dəstənin həbsdə olan A.Fərəcov tərəfindən yaradıldığı bildirilir.
A.Fərəcovdan başqa, E.Şahbazov da həbsxanada ola-ola bu cinayətkar dəstənin üzvü olub. O da işləri "içəri"dən koordinasiya edib.
Bakı Ağır CinayətlərMəhkəmənin hökmü ilə Araz Fərəcov 10 il, Vüqar Musayev 9 il, Renad Zahirov 9 il, Eltən Əliyev 8 il 6 ay, Xəyyam Qurbanlı 5 il və Elməddin Şahbazov isə digər cəzasının bu cəza ilə birləşməkə 17 il müdtinə azadlıqdan məhrum edilib.
Namiq Babayevə isə 1 il 2 ay cəza verilib və o, həmin müddəti istintaq dövründə çəkdiyi üçün məhkəmə zalından azadlığa buraxılıb.
Xatırladaq ki, A.Fərəcov kriminal aləmdə "Kritı Araz" kimi tanınır. Onun mərhum "qanuni oğru" Rövşən Lənkəranskinin tərəfdarı olduğunu qeyd edilib. Araz Fərəcov kriminal aləmdə böyük nüfuza malikdir.
