"Qızıl və gümüşün ucuzlaşması uzun müddət davam etməyəcək”.
Bu barədə "Sherg.az”a qızıl və gümüşün qiymətinin dünya birjalarında kəskin enməsinin səbəblərindən danışarkən iqtisadçı-ekspert Qadir İbrahimli bildirib.
Onun sözlərinə görə, qızılın qiymətinin enməsi müəyyən bir trenddən sonra sabitləşəcək:
"Qızılın qiyməti birbaşa istehlak bazarına transformasiya olunur. Yəni onlar bazar qiymətlərinə müəyyən qədər təsir göstərir. Bu proses müxtəlif amillərlə bağlıdır. Amma qızılın qiymətinin kəskin şəkildə düşəcəyinə inanmıram. Sadəcə qiymətlərdə müəyyən qədər enmələr baş verir. Bu proses də hər zaman belə olur.
Tutaq ki, Azərbaycanda məhərrəmlik aylarında toy və nişanların keçirilməməsi ilə bağlı qiymətlər düşür. Lakin sonrakı dövrlərdə qiymətlər yenidən bahalaşır. Ümumiyyətlə, qızıl və gümüş kimi zinət əşyalarının özü ayrı bir bazar təşkil edir. Bu baxımdanda hesab etmirəm ki, dünya bazada qızılın qiymətinin artmasının Azərbaycana ciddi təsiri olsun. Qiymətlərin çox ucuzlaşacağına da inanmıram. Müəyyən müddətdən sonra qiymətlər sabitləşəcək”.
Qeyd edək ki, Azərbaycanda qızıl və gümüş ucuzlaşıb. Avqustun 1-də qızılın qiyməti iyulun 31-i ilə müqayisədə 2,3035 manat azalaraq 1 troy unsiyası üçün 2075,751 manat təşkil edib. Gümüş 0,0308 manat ucuzlaşaraq 1 unsiya üçün 26,2988 manata bərabər olub.Platinin qiyməti 9,367 manat artaraq 1421,1745, palladiumun qiyməti isə 3,2895 manat artaraq 1586,202 manat təşkil edib.
Kənan Eynuroğlu
