Moskva Hələbdə insanlara kömək üçün Ankara ilə razılaşdığını rəsmən açıqlayıb.
Səhər saatlarında insanların azad edilməsinə maneə yarandığı şəhərdə arxa- arxaya partlayış səsləri gəlib. Müxaliflər rejimin top, tank və hava hücumuna məruz qaldıqlarını bildirib. Rusiya isə, bəzi silahlı müxaliflərin hücumuna rejim gücləri tərəfindən sadəcə cavab verildiyini vurğuladı.
Türkiyə xarici işlər naziri Çavuşoğlu, rejim və digər güclərin maneə törətmələrinə rəğmən insanların ərazidən çıxarılmasının reallaşmadığını ifadə edərək, tərəfləri razılaşmağa uyğun hərəkət etməyə çağırdı: "Artıq heç kim kimsəyə günah atmasın."
Şahidlər isə bildirir ki, avtobuslar şəhərin kənarında əsas yolda bölgədən çıxacaq insanları gözləyir. Ancaq azadetmə əməliyyatı hər hansı bir səbəb göstərilmədən təxirə salınıb. Müxaliflər, rejimlə birlikdə döyüşən şiə milislərinin azadetmə əməliyyatına maneə törətdiyini söyləyir. (Milliyet)
Rusiya isə, son 24 saat ərzində təxminən 6 min vətəndaşın bölgədən çıxarıldığını bildirir. Kremldən verilən məlumata görə, 366 müxalif də silahlarını buraxaraq, eyni vaxtda şəhərin şərqindən uzaqlaşıb.
