Cənubi Koreyada koronavirus epidemiyasının yayılmasında günahkar olduğu iddia edilən təriqət lideri ağlayaraq üzr istəyib.
Bu barədə “Haber Global” məlumat yayıb.
Ən azı dörd min koronavirusa yoluxma halının qeydə alındığı Cənubi Koreyada “Şinçeonji” təriqətinin 88 yaşlı lideri Li Man Hi göz yaşları içində iki dəfə diz çökərək “insanların əfvinə sığınıram” deyib.
“Bilərəkdən olmasa da, çox sayda insana virus yoluxub. Əlimizdən gələn səyləri göstərdik, ancaq uğursuz olduq. İnsanların əfvinə sığınıram”, - deyə təriqət lideri bildirib.
