İstanbul Cumhuriyet prokuroru Mehmet Selim Kirazi şəhid edən terroristlərin ədliyyəyə və prokuror otağına giriş görüntüləri paylaşıldı.Terroristlərdən birinin vəkil girişindən əlində cübbəylə, digər terroristin isə vətəndaşların girdiyi qapıdan axtarış - arama edilərək ədliyyəyə girdiyi görünür.
Fotoşəkillərdə Yayla və Doğruyolun ədliyyə içərisində koridorlarda gedişləri və daha sonra görüşmələri, ardından prokuroru şəhid etdikləri otağa girişləri görünür. Fotoşəkillərdə terroristlərin giriş çıxış saatları da var. Görüntülərdə iki terroristin ədliyyəyə kostyum ilə girdiyi görünür. Yaylanın əlində də vəkil cübbəsi var.
Görüntülərdə təcavüzkarlardan biri, saat 11:25-də ədliyyənin C Qapısından daxil olduğu görünür. D Qapısından girən digər təcavüzkarla bankların olduğu sahədə görüşən iki terrorist, təxminən 1 saat sonra saat 12:19-da ədliyyənin 6-cı mərtəbəsinə çıxaraq koridorda kəşfiyyat aparır.
Təcavüzkarlar prokuror Kirazin otağının qarşısından keçdikdən təxminən 10 saniyə sonra bir təhlükəsizlik işçisi də görüntülərdə meydana çıxır. 2 dəqiqə boyunca 6-cı mərtəbə koridorda gəzən təcavüzkarlar, saat 12:21-də prokurorun otağına girir. Hücumdan təxminən 1 dəqiqə əvvəl isə bir qadın vəkil prokurorun otağından çölə çıxır.
