"Energetik içkilər böyüklərə deyil, uşaqlara birmənalı ziyandır”.
Bunu "Sherg.az”a energetik içkilərin təsirləri haqqında danışarkən pediatr Vaqif Qarayev deyib. O bildirib ki, energetik içkilərin tərkibindəki həmin maddələr uşaq orqanizmini sirkələyir:
"Sadə formada desək, orqanizm özünü xərcləyir. Bu içkilər müvəqqəti xoş hiss, ovqat yaradır. Amma bu içkinin hesabına baş vermir. Enerji içkilərinin tərkibindəki maddə orqanizmin öz enerjisini alır. Təbii olaraq get-gedə orqanizm zəifləyir.
Ən başlıcası, həmin içkilərin tərkibində şəkər var. Asılılıq yaradan enerji içkilərini su, çay kimi davamlı istehlak etdikdə ziyanları daha da üzə çıxır. Ümumiyyətlə, tərkibində şəkər olan içkilər, tək enerji içkiləri deyil, rəngli sular və s. uşaqlara verilməməlidir.
Uşaqlara enerji içkiləri vermək onları az qala narkotikə öyrəşdirmək kimi bir şeydir. Bu isə daha ciddi fəsadlara yol açır.
Tibbi baxımdan ziyanlarına görə, Avropanın çox ölkələrində energetik içkilərin istehsalı qadağan edilib. Hətta bu vaxtlarda İsveçrədə "Mc Donald” restoran şəbəkələri artıq qadağan olunub. Həkimlərin bu kimi ziyanlı qidaları qadağan etməsini çox zaman nəzərə almırlar.
Energetik içkilərin qəbulu zamanı guya əlavə enerji daxil edilir. Əslində isə orqanizmin öz enerjisi xərclənir. Mütəmadi istehlak zamanı isə orqanizmin gücünü qüvvəsini alacaq. Tərkibindəki şəkərə görə, uşaqlara qətiyyən vermək olmaz. Nəhayət, asılılıq yaratdığına görə, bu içkilər uşaqların psixikasını pozur”.
Qeyd edək ki, enerji içkilərinin tərkibinə öküz sperması qatılması ilə bağlı iddialar dolaşır.
Aysel Aslan
