Həcc ziyarətindəki azərbaycanlı zəvvarların son qrupları Vətənə dönüb.
Həcc missiyasından APA-ya verilən məlumata görə, bu gün son reysdə 163 zəvvar Azərbaycana qayıdıb.
Qeyd edək ki, zəvvarların qayıdışı sentyabrın 13-dən başlayıb.
Builki kvota 600 nəfər nəzərdə tutulsa da, Azərbaycandan 900 zəvvar Həccə gedib. Bir nəfərlik ziyarət paketinin qiyməti 3850 dollardır. Yaxın Şərqdəki vəziyyətlə əlaqədar bu il də zəvvarlar avtobusla yox, təyyarə ilə Səudiyyə Ərəbistanına gediblər. Uçuşları AZAL həyata keçirir. Azərbaycanda Həcc ziyarətinin təşkilatçısı yalnız Qafqaz Müsəlmanları İdarəsidir.
