Ukraynanın Rusiya qazının tranzitini dayandırmasına cavab olaraq, Slovakiyanın hakim SMER-SD partiyası ukraynalı qaçqınlara yardımın azaldılmasını dəstəkləməyə hazırdır.
Axar.az xəbər verir ki, bunu Slovakiyanın Baş naziri Robert Fitso Feysbuk səhifəsində videomüraciətində deyib.
"Biz elektrik enerjisinin verilişinin dayandırılması və Slovakiya ərazisində olan Ukrayna vətəndaşlarına dəstəyin əhəmiyyətli dərəcədə azaldılması ilə bağlı koalisiyada müzakirələr aparmağa və razılığa gəlməyə hazırıq", - baş nazir bildirib.
O qeyd edib ki, hökumət həmçinin, Kiyevin tranziti dayandırmaq qərarına "adekvat cavab" kimi görülə biləcək tədbirləri də müzakirə edəcək:
"Ukrayna Prezidenti Vladimir Zelenski Slovakiyanın dövlət maliyyəsini sabotaj etməyə və bütün AB-nin maliyyə maraqlarına zərbə vurmağa başlayıb. Slovakiya suveren ölkə olduğunu göstərməlidir".
Xatırladaq ki, 2025-ci il yanvarın 1-dən Rusiya qazının Ukraynadan tranzit yolu ilə AB-yə nəqli dayandırılıb. Moskva razılaşmanın müddətini uzatmağa hazır olduğunu bildirsə də, Kiyev bundan imtina edib.
