“Müəllimlərin işə qəbulu müsabiqəsi ilə bağlı dəyişiklik edilib”.
Oxu.Az-ın məlumatına görə, bunu Təhsil Nazirliyinin İnsan resursları şöbəsinin müdiri Eşqi Bağırov “Müəllimlərin işə qəbulu və yerdəyişməsi qaydalarında yeniliklər” mövzusunda keçirilən onlayn brifinqdə bildirib.
Onun sözlərinə görə, test imtahanı mərhələsində sualların cavablandırılması artıq 90 dəqiqə yox, 120 dəqiqə olacaq:
“İmtahanda yenə də 60 sual təqdim olunacaq, amma onların cavablandırılmasına görə, qiymət fərqli olacaq. Namizədlər əvvəlki kimi 60 yox, 100 bal toplamalı olacaqlar. 40 ixtisas sualı olacaq ki, hər bir fənn üzrə düzgün cavab 2 bal, metodika üzrə 1 bal tətbiq ediləcək”.
O qeyd edib ki, səhv cavablandırılmış 4 testin cavabına görə 1 düzgün cavab silinəcək.
