“Ermənistan və Azərbaycan arasında bərqərar olmuş sülh qayğı tələb edir”.
Teleqraf xəbər verir ki, bunu Ermənistan Baş naziri Nikol Paşinyan deyib.
“Sülh hələ yeni doğulmuş körpədir. Bu məntiqdən kənar danışanlar o körpənin nəinki xəstələnməsini, hətta ölməsini istəyirlər. Söyləyirlər ki, bunun nə xeyri var, fürsətdən istifadə edək, madam başqaları da o körpənin ölməsini istəyir, onda gəlin o uşağı öz əlimizlə öldürək.
Ermənistan və onun hüdudlarından kənarda bir çox insanlar bunun sülh olmadığını, sadəcə boş bir ifadə olduğunu sübut etməyə həvəslidirlər. Mən isə deyirəm ki, biz bunun əksini sübut etməyə çalışacağıq və əksini sübut edəcəyimizə əminliyimi bildirirəm”, - baş nazir qeyd edib.
