Sahil Kərimli: Ermənistanın din xadimləri Paşinyanı devirmək üçün hərəkətə gətirilib
Proseslər isə Rusiya və digər dairələr tərəfindən idarə edilir
İyunun 12-də Ermənistanın Gürcüstandakı səfirliyi qarşısında “Erməni Apostol Kilsəsindən uzaq olun!” şüarı altında etiraz aksiyası keçiriləcək.
Bu barədə Gürcüstandakı erməni icması məlumat yayıb.
Aksiyanın təşkilatçıları bildiriblər ki, tədbirin məqsədi Erməni Apostol Kilsəsinə dəstək ifadə etmək və milli-mənəvi dəyərləri qorumaqdır. İştirakçılar Ermənistanda mövcud hakimiyyətin kilsəyə qarşı ardıcıl və məqsədli hücumlar həyata keçirdiyini iddia edir və bu fəaliyyəti “antimilli” adlandırırlar.
İcmanın yaydığı məlumatda vurğulanır ki, Erməni Apostol Kilsəsi erməni xalqının milli kimliyinin, tarixi yaddaşının və mənəvi birliyinin əsas dayağı kimi qəbul olunur.
Təşkilatçılar Gürcüstanda yaşayan həmvətənlərini iyunun 12-də saat 16:30-da keçiriləcək nümayişdə fəal iştirak etməyə, kilsəyə və milli ruhani irsə sahib çıxmağa çağırıblar.
Politoloq Sahil Kərimli Sherg.az-a bildirib ki, ümumiyyətlə son günlərdə Ermənistanda çox ciddi proseslər baş verir:
"Nikol Paşinyanla kilsə arasında gərginliyin artması ölkədə vəziyyətin yaxşı olmamasının göstəricisidir. Təbiidir ki, bu gün kilsə və Ermənistan Baş nazirinin münasibətlərindəki iğtişaşın bir çox səbəbləri var. Bu, xaricdən hesablanaraq həyata keçirilmiş planın bir hissəsidir. Hazırda Ermənistanın din xadimləri Paşinyanı devirmək üçün hərəkətə gətirilib. Proseslər isə Rusiya və digər dairələr tərəfindən idarə edilir. Eyni zamanda Gürcüstanda keçiriləcək etiraz aksiyası İrəvan-Tbilisi münasibətlərinə böyük təsir edə bilər. Üstəlik, bu kilsə ilə Nikol Paşinyan arasındakı gərginliyi daha da artıracaq. Amma görünən odur ki, Paşinyan kilsə bu məsələlərdə heç bir real nəticə əldə edə bilməyəcək. Ümumiyyətlə Ermənistanda din xadimlərinin nüfuzu yox səviyyəsindədir. Xüsusilə də Ermənistanın Böyük Vətən müharibəsindəki sarsıdıcı məğlubiyyətindən sonra ölkədə kilsənin və din xadimləri ciddi söz sahibi olmadı".
