ABŞ istehsal etdiyi silahları həmrəylik adı ilə məcburi şəkildə NATO müttəfiqlərinə satmaqdan əl çəkməlidir.
TASS xəbər verir ki, bunu Fransanın müdafiə naziri Florans Parli bildirib.
“NATO nizamnaməsinin 5-ci bəndində qeyd olunan “atlantik həmrəyliyi”ni, Vaşinqtonun təzyiqi ilə F-35 bəndinə çevirməyə yol vermək olmaz”, - deyə siyasətçi bildirib.
Onun sözlərinə görə, NATO heç vaxt Avropa Birliyinin suverenliyini təmin edən alət olmayacaq. Bununla belə, Avropa iqtisadi və siyasi gücünə müvafiq özünün hərbi avadanlığını yaratmalıdır.
