Gürcüstanda son bir sutka ərzində yeni növ koronavirusa (COVID-19) 2 yoluxma halı qeydə alınıb.
APA-nın Gürcüstan bürosunun xəbərinə görə, bu barədə Gürcüstan İnfeksiyon Xəstəliklər Xəstəxanasının tibbi direktoru Marina Ezuqbaya məlumat verib. Bununla da ölkədə qonşu ölkədə yoluxanların sayı 730 nəfərə çatıb. Qeyd olunub ki, Gürcüstanda koronavirus səbəbi ilə 3511 nəfər karantində saxlanılır, 243 nəfər isə stasionar şəraitdə müalicə olunur. Yoluxanlardan 522 nəfər sağalıb, 12 nəfər isə dünyasını dəyişib.
Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.
