Çinin Türkiyədəki səfiri Cui Vei Türkiyə Xarici İşlər Nazirliyinə çağırılıb.
APA-nın xəbərinə görə, buna səbəb səfirliyin İYİ Partiya başqanı Meral Akşener və Ankara Böyük şəhər Bələdiyyəsinin başqanı Mansur Yavaşı hədələməsidir.
Qeyd edək ki, hər iki siyasətçi aprelin 5-də Kaşqar vilayətinin Barın qəsəbəsində törədilən qətliamın 31-ci ildönümü ilə bağlı paylaşım edib.
Bu paylaşımdan sonra səfirlik sosial media hesabında bunları yazıb: "Çin tərəfi haqlı qarşılıq vermə haqqını özündə saxlayır".
Səfirlik onların hər ikisini paylaşımda etiketləyib.
