Pakistan hökuməti Əfqanıstandakı böhranın qarşısını almaq üçün bu ölkəyə 29 milyon dollar (49 milyon manat) məbləğində yardım göstərəcək.
Bu barədə Pakistanın xarici işlər naziri Şah Mahmud Qureyşi məlumat yayıb.
Pakistan rəsmisi əlavə edib ki, birbaşa maliyyə yardımından əlavə Əfqanıstana dərman və ərzaq da çatdırılacaq.
Qureyşinin sözlərinə görə, İslamabad Əfqanıstanda humanitar böhranın qarşısını almaq üçün lazım olan hər cür yardımı göstərməyə hazırdır.
Pakistan xarici işlər naziri həmçinin əlavə edib ki, ikitərəfli ticarət və iqtisadi əməkdaşlıq çərçivəsində Pakistan Əfqanıstandan meyvə və tərəvəzlərin rüsumsuz idxalına da icazə verəcək.
Mənbə: “Express” nəşri
