Ukrayna Prezidenti Volodimir Zelenski Yunanıstana gedib.
“Report” xəbər verir ki, bu barədə Yunanıstan KİV-i məlumat yayıb.
Bildirilib ki, V.Zelenski burada Qərbi Balkan ölkələrinin liderləri ilə şam yeməyində iştirak edəcək.
Tədbirdə Qərbi Balkan ölkələrinin liderləri ilə yanaşı, Avropa Komissiyasının sədri Ursula fon der Lyayen və Avropa Şurasının rəhbəri Şarl Mişel də iştirak edəcək.
Siyasətçilər Maximos sarayında bir araya gələrək regional məsələləri və Avropanın gələcəyini, Balkanlarda və Cənub-Şərqi Avropada enerji təhlükəsizliyini, Rusiyaya qarşı sanksiyaları müzakirə edəcəklər.
Yunanıstan tərəfindən Zelenskinin səfəri ilə bağlı hələ ki rəsmi məlumat verilməyib. Buna səbəb kimi təhlükəsizlik tədbirləri göstərilir.
