İsrailə dəstək üçün dünyanın ən böyük təyyarədaşıyan gəmisini Şərqi Aralıq dənizinə göndərən ABŞ-ın əsl narahatlığı tamam başqadır. HƏMAS-ın yaydığı görüntülər təşkilatın İsraildəki hədəfləri necə vurduğunu ortaya qoyub.
Sherg.az xarici KİV-lərə istinadən xəbər verir ki, İsrailə son onilliklərin ən böyük hücumunu həyata keçirən HƏMAS Qəzzada tunellərdə gizlədilən raketləri göstərdi. HƏMAS-ın hərbi qanadı olan İzzəddin Əl Qəssam briqadaları Qəzzada istehsal etdiyi hava hücumundan müdafiə sisteminin görüntülərini yayımlayıb.
![](https://image.milimaj.com/i/milliyet/75/770x0/652511b486b247377828f15b.jpg)
Açıqlamada, Əqsa tufanı əməliyyatı zamanı İsrail döyüş təyyarələrinə qarşı Muteber 1 adlı hava hücumundan müdafiə sistemindən istifadə edildiyi bildirilib. Əl-Cəzirə, Əl-Qəssam briqadaları tərəfindən yayımlanan videoda sözügedən silahın istifadə edildiyini və havadakı hədəfin vurulduğunu xatırladıb.Sosial mediada yayılan başqa bir videoda isə minlərlə yeraltı tunelin olduğu Qəzzada raket ehtiyatlarının olduğu önə çıxır.
![](https://image.milimaj.com/i/milliyet/75/770x0/6525115586b247377828f150.jpg)
BBC-nin Təhlükəsizlik üzrə müxbiri Frank Qardner bu gün dərc etdiyi təhlilində bildirib ki, İsrailin Qəzzada mümkün quru əməliyyatı HƏMAS təhlükəsini aradan qaldırmayacaq. HƏMAS-ın silahlı qanadının (İzzəddin Əl Qəssam briqadaları) təxminən 30 min döyüşçüdən ibarət olduğunu bildirən Qardner, "Onlar Qəzzanın tunellərini, zirzəmilərini, sığınacaqlarını və arxa küçələrini işğalçılardan daha yaxşı tanıyır" deyə bildirib.