ABŞ-lə əməkdaşlıqda ittiham olunan iki iranlı jurnalistə hökm oxunub.
APA "Tasnim"ə istinadən xəbər verir ki, İranda hicaba görə Əxlaq polisi tərəfindən saxlanılan və daha sonra öldüyü açıqlanan Məhsa Əmini ilə bağlı reportaj hazırladıqdan sonra həbs edilən iki iranlı jurnalistə bu gün hökm oxunub.
Tehran İnqilab Məhkəməsinin hökmünə görə, “ABŞ-yə casusluq” ittihamı ilə İranın “Şərq” qəzetinin müxbiri Nilufər Həmidi 7 il, "Həmmihən” qəzetinin müxbiri İlahə Məhəmmədi isə 6 il müddətinə azadlıqdan məhrum edilib.
