ABŞ Müdafiə Nazirliyi (Pentaqon) müdafiə naziri Lloyd Austinin yanvarın 1-də xəstəxanaya yerləşdirildiyini və vəziyyətinin yaxşı olduğunu bildirib.
Sherg.az xarici mediaya istinadən xəbər verir ki, Pentaqonun sözçüsü Pat Ryder, nazir Austinin sağlamlıq vəziyyəti ilə bağlı yazılı açıqlama verib.
Rayder, nazirin əməliyyatdan sonra yaranan ağırlaşmalara görə yanvarın 1-də xəstəxanaya yerləşdirildiyini bildirib.
Austinin sağalma prosesinin yaxşı getdiyini bildirən Ryder, nazirin vəzifəsinə qayıtmasının gözlənildiyini vurğulayıb.
Müdafiə Nazirliyini işıqlandıran media qurumlarını təmsil edən Pentaqon Mətbuat İcması vəziyyətin gec xəbər verilməsindən "narahatlığını" ifadə edib.
İcma tərəfindən edilən yazılı açıqlamada ictimaiyyətin belə vəziyyətlərdən xəbər tutmaq hüququ olduğu vurğulanıb və Pentaqonun günlər sonra ictimaiyyətə məlumat verməsi “rüsvayçılıq” kimi qiymətləndirilib.
CNN-in məlumatına görə, Rayder daha sonra tibbi məxfiliyi əsas gətirərək digər amilləri də nəzərə almalı olduqlarını bildirib.
