Livan hökuməti, paytaxt Beyrutda HƏMAS Siyasi Bürosunun sədr müavini Salih Əl Arurinin həyatını itirdiyi hücumda İsrailin 6 raketdən istifadə etdiyini bildirərək Birləşmiş Millətlər Təşkilatının Təhlükəsizlik Şurasına (BMT) rəsmi şikayət edib.
Sherg.az xarici mediaya istinadən xəbər verir ki, Livanın paytaxtı Beyrutda HƏMAS-ın Siyasi Bürosunun sədr müavini Salih Əl Aruri və 6 Həmas üzvünün öldürülməsindən sonra gərginlik azalmır. Livan hökuməti Birləşmiş Millətlər Təşkilatının Təhlükəsizlik Şurasına rəsmi şikayət edib və İsrailin hücumda 6 raketdən istifadə etdiyini bildirib. Şuraya təqdim edilən şikayətdə İsrailin Suriyaya hücum üçün Livanın hava məkanından istifadə etdiyi də bildirilib.
